|
Linton Kwesi Johnson - Story lyrics
wance upon a time jus like inna nursery rime before piggy tun swine mi did wear mi fear pan mi face like a shiel like a mawsk an evrybody tink mi cool an deadly nottn yu coulda seh woulda mek mi tek it awf an if yu get mi nervos ah voulda jus lawf it awf an evrybody tink mi cool an deadly but not soh long ago ins like inna pitcha show whey di hero get a blow mi spirit get vex an mi get soh ressless dat mi get careless an goh bare mi mawgah chess mi newah indah tink seh dat it mek outa glaas dat di whole wide worl coulda si rite dung to di vien inna mi awt ow dem twis-up ow dem tie-up ow dem tite-up o mi awt ow it cut-up ow it craw-up ow it scar-up ( it is a aad awt fi mawstah yu noe dis smilin an skinin yu teet wen yu awt sweel-up soh till yu feel it a goh bus wen yu cyaan fine di rime fi fit di beat wen yu cyan fine di ansah fi di puzzle complete) soh mi tek awf mi mawsk an staat fi wear daak glaas but eyry so awftin mi haffi tek it awf an evry nowanden mi fine mi laas oonu evah si mi trial si mi crawsiz ? |
|
|||||||||||||||||||||||||||||||||||||||
| Last added lyrics |
|---|
 Christmas Fantasy by Anita Baker |
 Minutes to Midnight by Linkin Park |
 Ghetto Bill by Master P |
 Zizanie by Zazie |
 Lost Highway by Bon Jovi |
