|
Qntal - Unter der Linden lyrics
Under der linden an der heide, dā unser zweier bette was, dā muget ir vinden schone beide gebrochen bluomen unde gras. Vor dem walde in einem tal, tandaradei, schone sanc diu nahtegal. Ich kam gegangen zuo der ouwe: do was mīn friedel komen e. Dā ward ich empfangen, here frouwe, daz ich bin saelic iemer me. Kuster mich? wol tūsentstunt: tandaradei, seht wie rot mir ist der munt. Do het er gemachet also rīche von bluomen eine bettestat. Des wirt noch gelachet inneclīche, kumt iemen an daz selbe pfat. Bī den rosen er wol mac, tandaradei, merken wā mirz houbet lac. Daz er bī mir laege, wessez iemen (nu enwelle got!), so schamt ich mich. Wes er mit mir pflaege, niemer niemen bevinde daz, wan er und ich. Und ein kleinez vogellīn: tandaradei, daz mac wol getriuwe sīn. |
|
||||||||||||||||||||||||||||||||||||||||||||||||||||||||
| Last added lyrics |
|---|
 Confessions by Usher |
 Vision Valley by The Vines |
 Waiting for the Punchline by Extreme |
 Zizanie by Zazie |
 Pigeon John Is Dating Your Sister by Pigeon John |
